#অন্ লাইন



টিক্ টিক্ , টাক্ টাক্
আঙুলিৰ আঁক বাঁক
কোমল আঁহেৰে বন্ধা  জিলিঙনি ৰেখা
ধাতৱ বৰ্মধাৰী প্ৰিয়া বিজুলী চমক দেখা।
মুখছবি, কলৰৱ, তড়িৎ-ফটোৰ
উদুলি- মুদুলি পদুলিৰ মুখ ।
নি লগীয়া লগ , 
সীমাহীন পেকত তড়িত চঞ্চল গতি,
সীমান্ত পেকত দেখো চিন্তা-চেনেহত  যতি।
পোহৰ এমুঠি কাষৰীয়া পাই, সমস্ত জগত ঘূৰো;
সাত -সাগৰ তেৰ নদী জপিয়াই পাৰ হওঁ , 
মঙলত মঙল চাই বতৰৰ খবৰ লওঁ
 তৰ্জনীৰ ত্ৰাসত পৃথিৱী লাটুম হৈ ঘূৰে  ।

ফেনিল ডাৱৰ ফালি  লুকা আৰু ভাকু 
চুই চোৱা, মোক সোধা, খেলা আৰু জমা দিয়া
বিলাই দিয়া , মৰম কৰা
অসহায় অনেক ভাৰ্চুৱেল কলাজ,
ৰৈ যায় দুৱাৰ দলিত।

আমেৰিকাৰ সখী, ভিয়েটনামৰ ভনী
আৰু ব্ৰাজিলৰ বেইলীক বান্ধি থোৱা
একেডালি  সেউজীয়া তাঁৰ ,
অৱসাদ, বিষাদ নাই 
মৰমেহে সাৰ।
ইয়াতে মাৰিলে টিপনি জগতে পালে শিকনি।

২৭জুলাই, ২০২০

Comments

Post a Comment

Popular posts from this blog

সিপাৰৰ সাঁকো (৫১)

 #সিপাৰৰ সাঁকো                    (৫১)    তাৰ দৰে আন বহুতো ল'ৰাই মাক দেউতাকৰ জীয়া জীয়া সপোন এৰি থৈ হাবিৰ মাজত উদিত সূৰ্যৰ পতাকাৰ তলত  বন্দুক তুলি লৈছিল। ইমান দিনে  কথাটো ঘৰৰ কেইটাৰ বাহিৰে বাকী মানুহে  গম নোপোৱাকৈ থকা বুলি শুনিছিলো। পিছে পুলিচ - মিলিটেৰীৰ সঘন  আহ -যাহ   দেখি সকলোৱে জনাজনি হ'বলৈ ধৰিছিল। দূবাৰ মান  খুব বেয়া কৈ মোমাইদেউ আৰু সৰুটোক শাস্তি দিয়া হৈছিল। বিয়া দিয়া জীয়েকহতঁক মোমাইদেৱে ঘৰলৈ আহিবলৈকে মানা কৰি দিছিল। সৰু ল'ৰাটোকো নিজৰ যি কেইপদ সম্পত্তি আছিল তাৰে দোকান এখন খুলি দি ঘৰৰ পৰা আতঁৰাই পঠাইছিল।  মাজে মাজে অকলশৰীয়া মোমাইদেউকে গাড়ীত তুলি নি অত্যাচাৰ কৰিছিল। সেয়া অৱশ্যে আৰম্ভনিহে আছিল। অসমীয়াৰ তেজেৰেআৰু কিমান  ফাঁকু খেলিবলৈ বাকী আছিল কোনেও নাজানিছিল।  মোমাইদেউহঁতৰ পৰিয়ালটোৰ বিপত্তিয়ে আন বহুতৰো দশা হৈছিল। গাৱঁৰ মানুহেও পুলিচ মিলিটেৰীৰ ৰোষত পৰাৰ ভয়ত তেওঁলোকৰ  ঘৰখনলৈ যাবলৈ এৰিছিল। চেপা আতংকই বিৰাজ কৰা গাঁৱৰ মানুহৰ মাজত বহু ধৰণৰ উৰাবাতৰি বিয়পি পৰিছ...
Read more

সিপাৰৰ সাঁকো (৭৫)

 #সিপাৰৰ_সাঁকো                     (৭৫)      পলম কৰাৰ কাৰণেই নাছিল।  পিছদিনা ৰাতিপুৱাই ৰজনীৰ গাড়ীতে  মিলি  আৰু মই  বস্ত-বাহানি বান্ধি আই আৰু বকুলিক লগত লৈ ওলাইছিলো। মিলিৰ স্ফূৰ্তিত হিয়া থৌকি-বাথৌ! তাইৰ আনন্দ ই মোক ভাবিবলৈ বাধ্য কৰিছিল যে ইমান দিনে মই এটা ভুল ধাৰণা লৈ আছিলো।  তাই হয়তো মোৰ পৰা  নিজকে বহু দূৰলৈকে আগুৱাই লৈ  গৈছিল।         কিদৰে সহিম মই এই বিচ্ছেদ?? কিদৰে??       তাইৰ ভাল হওক বুলি আশা কৰিয়েই সকলো পাহৰি     দিবলগীয়া কাগজ পত্ৰ সমূহ আগবঢ়াই দিলো । বকুলি জবাৰ মেলখন , আইৰ অনুসন্ধান মূলক অন্বেষণ আৰু ৰজনীয়ে  মোক দিয়া বুজনিৰ ক্ষণবোৰ এটোপ এটোপকৈ সৰিছিল।  শেলেবিন্ধা বুকুৰ ৰক্ত-প্ৰৱালবোৰ গলিত লাভা হৈ পৰিছিল। চকুপানী হৈ বোৱাৰ সময় হোৱা নাছিল তেতিয়ালৈকে।  নিৰ্জনতাৰ কোলাতহে চল পাই চকুলৈ বৈ আহে ঘনেপতি।  চৌপাশৰ কোলাহলত সেই লাভাৰ  সাহস হোৱা নাছিল পানীৰ ঢল হৈ  মোক তিয়াবলৈ।        ...
Read more

সিপাৰৰ সাঁকো (৩২)

 ইয়াত উল্লেখ কৰা খেল বিলাকৰ বাহিৰে আপোনালোকে খেলা থলুৱা অসমীয়া খেলবোৰৰ নাম  কমেণ্ট বক্সত জনাবচোন। #সিপাৰৰ সাঁকো                                (৩২) মিলিয়ে  সোনকালেই আখৰ লিখিবলৈ শিকিলে। তাইৰ নজনা কথা জনাৰ হেপাহঁ দেখি মই আচৰিত হৈ পৰিছিলো।   কুঁহিপাত খনত থকা সকলোখিনি পাঠ অনবৰতে মুখেৰে আওঁৰাইয়ে থাকিবলৈ লৈছিল। মোৰ নাম টোৰ লগতে ঠিকনাটো ও সুন্দৰকৈ  লিখিবলৈ শিকাৰ ফলত মোৰ স্কুলৰ কামত বৰ সুবিধা হৈছিল। আগতে  স্কুললৈ  চিঠি এখন আহিলে  কাৰোবাৰ চিঠি কাৰোবাক দি দিছিলো।   মিলিৰ সৈতে আখৰ শিকাৰ পাছত নিজে চিঠিৰ নাম পঢ়ি লৈ  দুনাই সেই ভুল কৰাৰ থল নাছিল।     মিলিয়ে আইতাককো ধৰি আনি আখৰ লিখিবলৈ শিকাব বিচাৰি ঘমঘণ্ট লগাইছিল। মিলিৰ কথাত আইতাক প্ৰথমে ক্ষুণ্ণ হৈছিল। পিছলৈ তেওঁ ও মিলি ৰ কথামতে হাতেৰে  ফলিগুটি ধৰিছিল। লিখিবলৈ নিশিকিলেও আইতাকে নাতিনীৰ কামৰ শলাগ ইতিকিঙৰ সুৰতে লৈছিল। ভাল দিন পৰিছে , কুকুৰেও মৈ টানিছে । মিলিয়ে তাৰ মানে  কি বুলি সোধাত মই 'তোক মাষ্...
Read more